Мектеп директоры

Өмірбаян

          Канапьянов Ерзат Бияхметұлы, 1985 жылы 20 сәуірде Семей қаласында дүниеге келді. 2000 жылы Жарма ауданы Салқынтөбе ауылы Маяковский атындағы негізгі мектебін бітірді. Осы жылы Семей қаласындағы М.О.Әуезов атындағы педагогикалық колледждің “шетел тілі” факультетіне түсіп, 2004 жылы бітіріп, диплом алды.   

Еңбек жолын туып-өскен ауылдағы мектептен бастады. 2004-2007 жылдары Шәкәрім атындағы Семей Мемлекеттік Университетінің шетел тілі бакалавры академиялық дәрежесі бойынша білім алды. Осы жылдар аралығында Жарма ауданының «Жас ұстаздар» кеңесінің төрағасы, «Жас Отан» жастар қанатының мүшесі болды.

2007 жылы Қарасу орта мектебіне мектеп директоры болып жұмысын ауыстырды. 2009-2011 жылдары Семей қаласындағы Қазақ инновациялық гуманитарлық-заң университетінің филология магистрі академиялық дәрежесі бойынша оқуын тамамдады. 2013 жылдың қарашасынан бастап Ақтайлақ би атындағы орта мектебінің директоры қызметіне ауысты. 2018 жылы пән мұғалімі ретінде педагог-зерттеуші категориясына ие болды. VII шақырылымда Жарма аудандық мәслихатының депутаты болды. Ерзат Бияхметұлының 3 ғылыми және 50-ден астам мақалалары аудан, облыс, республика және халықаралық баспасөз беттерінде жарық көрді. Енді жаңа бағдарламаға сай, жаңашыл, жан-жақты білімді, заманауи мектеп бағдарламасына сәйкес жоспарланған оқу жоспарын құрып, балаларды терең білім саласына қамти отырып, білім беруге ат салысып жүр. Көпбалалы отбасы, 2 ұл мен 2 қыздың әкесі.  Жолдасы Канапьянова Асель Тураровна Ақтайлақ би атындағы орта мектебінде математика пәнінің мұғалімі.